تخطى إلى المحتوى

اغلاق جوجل بلس

    جوجل بلس خطوة مش محسوبة في تاريخ Google.
    قررت شركة Google أمس إغلاق جوجل بلس نهائياً بعد وجوده لمدة 7 سنين بسبب إكتشاف Google ثغرة فى شبكتها الإجتماعية بتسمح للمطورين إنهم يوصولوا للملفات الشخصية للعملاء.
    جوجل كانت بتعمل إحصائيات عن سبب عدم استخدام شبكتها الإجتماعية جوجل بلس وضعف عدد المستخدمين فاكتشفوا إن أقصى وقت لوجود المستخدم على شبكتها الإجتماعية هو 5 ثواني وكمان إكتشفوا وجود ثغرة بيقدر من خلالها المطورين إنهم يوصلوا لأى بيانات شخصية خاصة بالمستخدمين و تسريب بيانات أكتر من نص مليون مستخدم.

    تم إكتشاف الثغرة دي في شهر مارس 2018، ولم تقوم جوجل بالإبلاغ أو الإعلان عن الإختراق اللى حصل لبيانات مستخدميها لكن قررت إنها تلغي جوجل بلس نهائياَ ويستخدم كأداة للاتصالات داخل العديد من الشركات فقط بالإضافة لإيقاف مطوري الطرف الثالث من الوصول إلى لسجلات المكالمات والرسائل الخاصة بالمستخدمين.

    السؤال دلوقتى هو هل جوجل هتتعرض لغرامة مالية أو الإستجواب زي ما حصل مع الفيسبوك؟

    للأسف ده مش هيحصل لأن الثغرة دى تم إكتشافها في شهر مارس يعني قبل تطبيق قانون تنظيم حماية البيانات العامة اللي تم اصداره في شهر مايو بسبب أزمة الفيسبوك الشهيرة والقانون ده بينص علي ضرورة إخطار المسئولين في حالة حدوث أي تسريب لأى بيانات أو معلومات شخصية وبالتالى القانون لن يطبق بأثر رجعى وده معناه إن جوجل مش هتتعرض لأى غرامات أو مسائلات قانونية من جهات رسمية لكن من حق المستخدمين إنهم يرفعوا قضايا بسبب تسريب بياناتهم.

    دلوقتى فى سؤال بيفرض نفسه، إيه هى الدروس المستفادة من اللى حصل مع جوجل؟
    الحاجة اللى لازم نتعلمها من اللى حصل مع جوجل اننا ما ينفعش ناخد قرار من غير تخطيط كويس، جوجل قررت في يوم وليلة انها تنافس فيسبوك من خلال جوجل بلس وده لمجرد التواجد لكن للأسف ماحسبتهاش صح لإنه مع أول أزمة جوجل قررت توقف جوجل بلس علي عكس فيسبوك اللى عرف يواجه الأزمة اللى حصلتله ويستمر..

    اقرا المزيد  سوق السيارات المستعملة والجديدة مصر
    مخزن التطبيقات